ყველა მცირე ბიზნესის მფლობელის მიზანია მინიმალური მოგების ზღვარის შენარჩუნება. ფულის დაზოგვის მიზნით კი ხშირად უწევთ კომპანიის ყველა საქმიანობაში იყვნენ ჩართულები. თუმცა მოგების ერთი და იგივე დონეზე შენარჩუნება ძალზედ რთულია. კონკრეტული საქმეები ნელნელა გიმცირებენ მოგებას, რამაც საბოლოოდ შეიძლება ბიზნესი ფულის დაკარგვამდე მიიყვანოს.

შენი ფინანსური პრობლემების ძირეული მიზეზის პოვნა დაგეხმარება სწრაფად მოახდინოთ რეაგირება პრობლემაზე და უკეთესობისკენ წარმართო სიტუაცია. გაინტერესებს, რატომ კარგავს შენი ბიზნესი ფულს? გთავაზობ ხუთ სავარაუდო მიზეზს:

 

ცუდი ბუღალტრული აღრიცხვა

თუ შენი აღრიცხვის სისტემა არაორგანიზებულია, შეუძლებელია გქონდეს სწორი წარმოდგენა შენი ბიზნესის ფინანსური მდგომარეობის შესახებ. მაგალითად, შენი კომპანიისთვის საქონლის ყიდვისას, თუ ტრანზაქცია მაშინვე არ დააფიქსირე, ბუღალტრულ წიგნში  მითითებული იქნება იმაზე მეტი თანხა, ვიდრე გაქვს. შედეგად, დაგეხარჯება ეს თანხაც და უარყოფითი ფულადი ნაკადი დაგიჯდება. ამიტომ, აუცილებელია რომ ბიზნეს ტრანზაქციები დროულად და სწორად აღრიცხო, რომ ასეთმა მცირე შეცდომებმა არ ჩაგიყაროს შრომა წყალში.

პრობლემის გადაწყვეტა: რეგულარულად აწარმოე აღრიცხვები, შიდა აუდიტი და ბუღალტერთან მჭირდრო თანამშრომლობა გქონდეს.

ცუდი კომუნიკაცია მენეჯმენტის მხრიდან

მცირე ზომის კომპანიაში ცუდი კომუნიკაცია ან მისი ნაკლებობა ხშირად იწვევს ხარჯების ზრდას. ამიტომ აუცილებელია შექმნა ძლიერი და მეგობრული გუნდი.

პრობლემის გადაწყვეტა: მიეცი კომუნიკაციის საშუალება დამსაქმებელსა და დასაქმებულს. თანამშრომლებს შორის კომუნიკაცისა რეგულარი სახე უნდა ჰქნოდეს მიცემული, რაც შეიძლება მიღწეულ იქნას იყოს პროცედურების ფრთხილი და ზუსტი გაწერით, აქტიური მოსმენის კულტურის დანერგვით, უკუკავშირის წარმოებითა და მიღწევების აღნიშვნით. ყველა ეს პროცესი გააუმჯობესებს კომუნიკაციას ყველა დონეზე. ამის გარდა, შეგიძლია გამოიყენო თანამშრომლის მენეჯმენტისთვის საჭირო პროგრამული უზრუნველყოფა, რომელიც კიდევ უფრო გაამარტივებს კომუნიკაციას.

კლიენტების ცუდი მომსახურება

მცირე ბიზნესებს ხშირად უჭირთ კლიენტებზე კონცეტრაცია, როდესაც საწყის ეტაპზე პროდუქტთან დაკავშირებულ დეტალებს უტრიალებენ. ცუდი სერვისი კი აუცილებლად ისახება მომხმარებელთა კმაყოფილების დონეზე, რაც უკუკავშირშიც ჩნდება. ეს უკუკავშირი კი პოტენციური კლიენტების ყურებამდეც მიდის, რაც ნდობას აკარგვინებთ შენი ბიზნესის მიმართ და ყიდვის გადაწყვეტილებამდე არ მიდიან.

პრობლემის გადაწყვეტა: სთხოვე კმაყოფილ და ბედნიერ მომხმარებლებს გაუზიარონ სხვებს თავიანთი პოზიტიური გამოცდილების შესახებ. ცხადია, თან ტრენინგი უნდა ჩაუტარო თანამშრომლებს, რომ ყოველთვის უზრუნველყონ საუკეთესო სერვისი.

ონლაინ კომუნიკაციის ნაკლებობა ან არ არსებობა

დღეს ყველაფერი ციფრულია. ამ სტატიასაც ან მობილურ ტელეფონზე ან კომპიუტერზე კითხულობ ისევე, როგორც ყველა დანარჩენი. ასე უნდა მიაწვდინო ხმა შენს მომხმარებელსაც. თუ კლიენტები ვერ გპოულობენ ინტერნეტში, ესე იგი პოტენციურ მომხმარებლებსაც ვერ აწვდენ ხმას.

ინტერნეტში რომ არაფერს ყიდდე, უბრალოდ ვებ-გვერდიც კი დაეხმარება შენს მომხმარებელს გაიგოს რას წარმოადგენს შენი ბიზნესი, საკონტაქტო ინფორმაცია და ფიზიკური ადგილმდებარეობა.

თუმცა, მარტო ვებ-გვერდი არაა საკმარისი. ჩაერთე სოციალურ მედიაში მომხმარებელთან რეგულარული ურთიერთობის დასამყარებლად. ამის გარდა, უკუკავშირი მიღების საშუალება გექნება, რაც პროდუქტის ან სერვისის გაუმჯობესებაში დაგეხმარება.

პრობლემის გადაწყვეტა: დაამყარე ონლაინ კომუნიკაცია კლიენტებთან! შექმენი ბიზნესისთვის ვებ–გვერდი ან სოციალური მედია გვერდი, რაც არის წარმოუდგენლად მარტივი და მომხმარებლის მოსაზიდად ნაცადი გზა.

თანამშრომელთა ხშირი ცვლა

კომპანიას ფაქტობრივად ანადგურებს თანამშრომელთა ხშირი ცვლა. კვლევების თანახმად, ახალი მომუშავე პერსონალის მოძებნას და დაქირავებას ორჯერ მეტი ხარჯი მიაქვს, ვიდრე თანამშრომლის ხელფასს.

პრობლემის გადაწყვეტა: ჰკითხე საკუთარ თავს, რატომ ტოვებენ თანამშრომლები სამსახურს და გააკეთე შესაბამისი ცვლილებები, რომ იგივე მიზეზებით სხვებმაც არ გადაწყვიტონ წასვლა. თანამშრომელს წასვლის წინ ჰკითხე, თუ რატომ გადაწყვიტა წასვლა, რომ უკუკავშირის გათვალსწინება გათვალისწინება შეძლო.

მას შემდეგ, რაც გააცნობიერებ, თუ რატომ კარგავს შენი ბიზნესი ფულს, შეძლებ სწორი გადაწყვეტილებებიც მიიღო პრობლემების გადასაწყვეტად.